| অসমৰ পুৰণি খেল-ধেমালি | |
| বিষয় | অসমীয়া |
| পাঠৰ নাম | অসমৰ পুৰণি খেল-ধেমালি |
| লেখক |
সুৰােধ মঞ্চাবৰুৱা |
| শ্ৰেণী | একাদশ শ্ৰেণী |
| পাঠৰ নং | অধ্যায় 7 |
| পাঠ্যক্ৰম (Syllabus) | অসম মাধ্যমিক শিক্ষা পৰিষদৰ (AHSEC) |
অসমৰ পুৰণি খেল-ধেমালি অতি চমু প্রশ্ন
১। বিহু আকৌ আহিল’ গ্ৰন্থখন কোনে ৰচনা কৰিছিল?
উত্তৰ : ‘বিহু আকৌ আহিল’ গ্ৰন্থখন হেম বৰগােহাঞিয়ে ৰচনা কৰিছিল।
২। প্রথম আহােম ৰজাজনৰ নাম কি আছিল?
উত্তৰঃ প্রথম আহােম ৰজাজনৰ নাম আছিল চুকাফা।
৩। ক্রীড়া কি?
উত্তৰ : ক্রীড়া’ হ’ল এক আনন্দ, শাৰীৰিক আৰু মানসিক সক্ষমতাৰ চূড়ান্ত প্রকাশ।
৪। বিশ্বৰ আটাইতকৈ জনপ্রিয় ফুটবল খেলক চীনত তাহানি কি আখ্যা দিছিল?
উত্তৰ : বিশ্বৰ আটাইতকৈ জনপ্রিয় ফুটবল খেলক চীনত তাহানি ছু-চু আখ্যা দিছিল।
৫। চীনত ছু-চু খেলৰ প্ৰচলন থকাৰ সময়ত অসমত কি কি খেলৰ প্ৰচলন আছিল?
উত্তৰ : ছুচু খেলৰ প্ৰচলন থকা সময়ত অসমত কণী যুঁজ, কড়ি যুঁজ আদি খেলৰ প্ৰচলন আছিল।
(খ) চমু প্রশ্ন
১। ঢােপ খেলৰ প্ৰচলন ক’ত, কেনেকৈ হৈছিল বর্ণনা কৰা।
উত্তৰঃ এই খেলৰ প্ৰচলন ক’ত, কেতিয়া, কেনেদৰে হৈছিল সেই বিষয়ে একো জনা নাযায়। এই খেল আহােম যুগত এক জনপ্রিয় খেল আছিল বুলি জনা যায়। ইংৰাজ ৰাজত্বৰ শেষ কালছােৱাত তেজপুৰৰ ঢেকেৰীপাৰ নামৰ বৃহৎ বাকৰিত এই খেলৰ সমাৰােহ অনুষ্ঠিত হৈছিল। পিছলৈ কোকৰাঝাৰৰ বিনােদ ব্ৰহ্ম নামৰ এজন খেলুৱৈয়ে এইখেলক জনপ্রিয় কৰাৰ প্ৰয়াস কৰিছিল যদিও বিফল হয়।
২। বৰপেটা অঞ্চলত প্রচলিত থলুৱা খেলসমূহ কি কি ?
উত্তৰঃ বৰপেটা অঞ্চলত প্ৰচলিত থলুৱা খেলসমূহ হল : কুকুৰা যুঁজ, টাংগুটি, মুঠি ভটা, বাঘবােল, মংগল পাঠা, হাতবল, বৈঠাবল, গন্ধহাউ, লালী, ফুর্তি বাগোল্লা, হাফলা, ঘলা, ৰছী টনা, কধৰা টনা, তিনিঠেঙীয়া দৌৰ, টেকেলী ভঙা, থাটি কপটি আদি।
৩। ৰংঘৰৰ বাকৰিত অনুষ্ঠিত হােৱা খেলসমূহৰ নাম লিখা।
উত্তৰ : ৰংঘৰৰ বাকৰিত অনুষ্ঠিত খেলসমূহ হ’ল ম’হ যুঁজ, হাতী যুঁজ, বাঘ-ভালুকৰ যুঁজ আদি।
৪। ইণ্ডিজেনাছ গেমছ কোনে, ক’ত, কেতিয়া অনুষ্ঠিত কৰিছিল ?
উত্তৰ : ভাৰতীয় ক্রীড়া প্রাধিকৰণৰ তৰফৰ পৰা ১৯৮৯ চনত ৰংঘৰৰ বাকৰিত ইণ্ডিজেনাছ গেমছ অনুষ্ঠিত হৈছিল।
৫। ‘ফুল ফুলতী’ খেল কিদৰে খেলা হয়, পাঠৰ আধাৰত লিখা।
উত্তৰ : ফুল ফুলতী’ খেল ছােৱালীসকলে খেলা এক জনপ্রিয় খেল। এই খেলত সৰু সৰু বল বা গুটিৰে তিনিটা শাৰী সজোৱা হয় আৰু প্ৰতিটো শাৰীত সমান সমান গুটি ৰাখিব লাগে। প্ৰতিটো গুটিৰ ব্যৱধানাে সমান হ’ব লাগে। প্রতিজন খেলুৱৈয়ে গুটিৰ চাৰিওফালে এটা বৃত্ত আঁকিব লাগে। এনেদৰে বৃত্ত আকোতে কোনাে প্রতিযােগীয়ে যদি গুটি স্পর্শ কৰে, তেন্তে তেওঁক খেলৰ পৰা বাহিৰ হােৱা বুলি ধৰা হয়। এনেদৰে ফুল ফুলতী খেল খেলা হয়।
Class 11 Assamese Lesson 7 question Answer
দীঘল প্রশ্ন
১। আহােম যুগত কোন ৰজাৰ দিনত ক্রীড়াই সর্বাধিক পৃষ্ঠপােষকতা পাইছিল? তেওঁৰ খেলৰ প্ৰতি থকা মােহ কেনেদৰে প্ৰকাশ পাইছিল, তাৰ এটি চমু পৰিচয় দিয়া।
উত্তৰঃ স্বৰ্গদেউ ৰুদ্ৰ সিংহৰ দিনত অসমত ক্রীড়াই সর্বাধিক পৃষ্ঠপােষকতা লাভ কৰিছিল। তেওঁ ৰাজ্যৰ বিভিন্ন অঞ্চলত পুখুৰী খান্দি জলক্রীড়া ৰ প্রতি জনসাধাৰণক আকৃষ্ট কৰিছিল। ৰুদ্ৰ সিংহই ৰংঘৰৰ দৰে পেভিলিয়ন সদৃশ মঞ্চ নির্মাণ কৰি খেলৰ প্রতি আগ্রহ প্রকাশ কৰিছিল। ১৫-১৬ হাতৰ শালকাঠৰ খুঁটাৰে এই মঞ্চ নির্মাণ কৰা হৈছিল। সেইসময়ত আহােম যুগত ৰাজঅভিষেকৰ সময়ত বা ৰাজপৰিয়ালত পুত্র সন্তানৰ জন্ম হলে এসপ্তাহ জুৰি ক্রীড়া সমাৰােহৰ আয়ােজন কৰা হৈছিল।
৩। পুৰণি কালত বিহুৰ সময়ত কেনে ধৰণৰ খেল অনুষ্ঠিত হৈছিল ?
উত্তৰ : বিহু হ’ল অসমৰ জাতীয় উৎসৱ। অসমীয়াসকলে বিহুৰ লগতে অন্যান্য জাতীয় জীৱনৰ বিভিন্ন আচাৰ-অনুষ্ঠানত নানান খেল অনুষ্ঠিত কৰি আহিছে। উদাহৰণ স্বৰূপে কণী যুঁজ, কড়ি যুঁজ আদি খেল বিহুৰ সময়ত খেলা হয়। এই বিষয়ে সাহিত্যিক হেম বৰগােঞিদেৱে ‘বিহু আকৌ আহিল’ নামৰ গ্ৰন্থত বহুলভাৱে আলােচনা কৰিছে। তেওঁ লিখিছে যে বিহুৰ সময়ত শিৱসাগৰৰ বকর্তা মৌজা, নেমুগুৰি হাটবৰ আৰু লাহৰীৰৰ ৰাইজে কণী যুঁজ, ম’হ যুঁজ , কড়ি যুঁজ আদি খেল অনুষ্ঠিত কৰে। সেইদৰে হাজোত বিহু উপলক্ষে বুলবুলি চৰাইৰ যুঁজ খেল অনুষ্ঠিত হােৱাৰ উপৰি বিহু উৎসৱৰ লগত সংগতি ৰাখি ব্ৰহ্মপুত্র নদীৰ দুয়ােপাৰৰ জনসাধাৰণে লালী, গন্ধ হাউ, ঢােপ খেল,হাফলা, ৰছী টনা, হাউ খেল, ঘিলা খেল, আদি খেল অনুষ্ঠিত কৰে।
৪। আহােম যুগৰ আটাইতকৈ জনপ্রিয় খেলবিধ কি? এই খেল সম্পর্কে চমুকৈ লিখা।
উত্তৰ : আছিল আহােম যুগৰ আটাইতকৈ জনপ্রিয় খেলবিধ আছিল ম’হ যুঁজ খেল। এই খেল আহােম যুগত আৰম্ভ হৈছিল। বর্তমানে মৰিগাওঁৰ আহঁতগুৰিত ৰাষ্ট্ৰীয় ঘাইপথৰ দাঁতিত এই খেলৰ আয়ােজন কৰা হয়। এই খেল বছৰেকত দৰাৰ অনষ্ঠিত হয় এবাৰ ১৬ জানৱাৰীত গণতন্ত্র দিৱস উপলক্ষে আৰু’দ্বিতীয়বাৰ মাঘ বিহুৰ সময়ত ম’হ যুঁজত কোনাে নির্দিষ্ট নীতি নিয়ম নাই। প্রতিযােগিতা বিজয়ী হােৱা ম’হৰ গৰাকীৰ বাবে গৌৰৱ আৰু আত্মসম্মান কথা বুলি বিবেচনা কৰা হয়। ম’হ যুঁজৰ ভালেমান দিন আগৰ পৰা যুঁজাৰু ম’হক ভালকৈ তত্বাৱধান লােৱা হয়। খাদ্যৰ ওপৰতাে যথেষ্ট গুৰুত্ব দিয়া হয় আৰু ম’হ প্রতিপালন কৰা ঠাই টুকুৰাত আন মানুহ যাব নােৱাৰে। শেষ নিশা ম’হক চৰাবলৈ এৰি দিয়া হয় যাতে বেলি উঠালৈ মহে পেট পূৰাই খাব পাৰে। খেলৰ দিনা পথাৰত দুটা যুঁজাৰু ম’হ এৰি দিয়া হয়। চাৰিওপিনে ৰাইজে দুই ম’হৰ যুঁজ উপভােগ কৰি থাকে। যুঁজকৰি কৰি কোনাে এটা ম’হ পৃষ্ঠভংগ নিদিয়ালৈকে এই খেল চলি থাকে।
৫। ঢেমনা অনা খেল কোন অঞ্চলত প্রচলিত? খেলবিধৰ সম্পর্কে চমুকৈ লিখা।
উত্তৰ : অসমৰ বৰপেটা অঞ্চলৰ ঐতিহ্যমণ্ডিত থলুৱা খেলবিধ হ’ল ঢেমনা অনা খেল । এইবিধ খেল কোনে কত কেতিয়া আৱিষ্কাৰ কৰিছিল সেয়া কোনেও নাজানে। এই খেল শীত কালত অনুষ্ঠিত হয়। ঢেমনা অনাৰ অৰ্থ হ’ল কোনাে বিপত্নীকে কোনাে বাঁৰী তিৰােতাক পত্নীৰূপে অনা। দুটা দলৰ মাজত অনুষ্ঠিত এই বিধ খেলত এটা দলত চাৰিজনৰ পৰা ১০ জন বা ততােধিক খেলুৱৈ থাকে। খেলৰ সঁজুলি হিচপে এটা বললৈ আহল-বহল মুকলি ঠাইত এইবিধ খেল খেলা হয়। এই খেলত ব্যৱহাৰ কৰা বলটো দুয়ােটা দলে দলিওৱাৰ পিছত যিটো দলে অধিক ঢেমনা আনিব, সেই দলটো বিজয়ী হ’ব।
অসমৰ পুৰণি খেল-ধেমালি Class 11
(ক) বিশ্বৰ সবাতােকৈ জনপ্রিয় খেল কি?
উত্তৰ : ফুট বল।
(খ) ছু-চু কোন দেশৰ খেল।
উত্তৰ : চীন দেশৰ।
(গ) কণী যুঁজ সম্পর্কে বিস্তৃত আলােচনা কৰা গ্রন্থখনৰ নাম কি ?
উত্তৰ:কণী যুঁজ সম্পর্কে বিস্তৃত আলােচনা থকা গ্ৰন্থখনৰ নাম হ’ল ‘বিহু আকৌ আহিল’।
ঘ) খেল ধেমালিৰ বিষয়ে যতীন বৰুৱাই ৰচনা কৰা গ্ৰন্থখনৰ নাম কি ?
উত্তৰ : বিহু উৎসৱৰ খেলা-ধূলা ।
(ঙ) অসমৰ খেল-ধেমালি আৰু সংস্কৃতিৰ ওপৰত পৰাগধৰ চলিহই ৰচনা কৰা গ্ৰন্থখনৰ নাম কি?
উত্তৰ : Aspects of Assamese Culture.
(চ) অকল ছােৱালীসকলে খেলা এবিধ খেলৰ নাম লিখা।
উত্তৰ : ফুল-ফুলতী ।
(ছ) এচিয়া মহাদেশৰ প্রথম স্পৰ্টচ পেভিলিয়ন কোনটো?
উত্তৰ : শিৱসাগৰৰ ৰংঘৰ।
(জ) চৰাইচোং কি ?
উত্তৰ : চৰাইচোং হ’ল ছয়-সাতখন পথাৰৰ মুকলি অঞ্চল।
(ঝ) ম’হ যুঁজ কেতিয়া অনুষ্ঠিত হয় ?
উত্তৰ : মাঘ বিহুৰ সময়ত।
(ঞ) শিৱসাগৰৰ ৰংঘৰটো কোনে কাক বিক্রী কৰিছিল ?
উত্তৰ : ইংৰাজসকলে ৰংঘৰটো ১৩০০ টকাত স্থানীয় লােক এজনৰ ওচৰত বিক্ৰী কৰিছিল।
(ট) অসমত ক্ৰীড়াৰ ইতিহাস কেতিয়াৰ পৰা আৰম্ভ হয়?
উত্তৰ : চুকাফাইঅসমত আহােম সাম্রাজ্য স্থাপন কৰাৰ সময়ৰ পৰাই অসমত ক্ৰীড়াৰ ইতিহাস আৰম্ভ হয়।
(ঠ) কণুৱা চৰাইৰ প্রিয় খাদ্য কি ?
উত্তৰ : মাছ।
(ড) ঢেমনা খেল কেতিয়া অনুষ্ঠিত হয় ?
উত্তৰ : শীত কালত।
(ঢ) শেন মেলাত শেন চৰাইটোৱে যদি কণুৱাৰ সৈতে যুঁজ নকৰি ক’ৰবালৈ গুচি যায়, তেন্তে শেন গৰাকীক কি কৰা হৈছিল?
উত্তৰ : বাঘ ঢুকাৰে শাস্তি দিয়া হৈছিল।
(ণ) সুবােধ মল্ল বৰুৱা কি কামৰ লগত জড়িত ?
উত্তৰ : ‘দৈনিক অসম’ কাকতত চিফ অৱ নিউজ ব্যুৰ হিচাপে কৰ্মৰত।
(ত) সুবােধ মল্ল বৰুৱাই ৰচনা কৰা দুখনমান গ্রন্থৰ নাম লিখা।
উত্তৰ : সুবােধ মল্ল বৰুৱাই ৰচনা কৰা দুখন গ্রন্থৰ নাম হল –‘এথেন্সৰ পৰা শ্বিলঙলৈ’ আৰু জীৱন যৌৱন ক্রীড়াংগন।
(থ) বিহু আকৌ আহিল’ গ্ৰন্থখনৰ ৰচক কোন?
উত্তৰ : হেম বৰগােহাঞি।
(দ) বিহু উৎসৱৰ খেলা-ধূলা’ গ্ৰন্থখনৰ লিখক কোন?
উত্তৰ : যতীন বৰুৱা।
(ন) ৰংঘৰ কোনে নির্মাণ কৰে?
উত্তৰ : আহােম স্বৰ্গদেউ প্রমত্ত সিংহই (১৭৭৬ চনত)।