উদ্যোগী হওঁ আহাঁ Class 10
অধ্যায়টোৰ সাৰাংশ
“উদ্যোগী হওঁ আহাঁ” পাঠটো শ্ৰেণীকোঠাৰ এক আলোচনাৰ আধাৰত ৰচিত, য’ত শ্ৰেণী শিক্ষক প্ৰকাশ গোস্বামীয়ে ছাত্ৰ-ছাত্ৰীসকলক উদ্যোগ বা ‘আন্ট্রাপ্ৰিনিওৰশ্বিপ’ৰ বিষয়ে এক সহজ আৰু ব্যৱহাৰিক ধাৰণা দিছে।
পাঠৰ আৰম্ভণিতে শিক্ষকে “উদ্যোগী পুৰুষ সিংহৰ সমান, এলেহুৱা কাপুৰুষৰ নিচান” – এই কথাষাৰেৰে উদ্যোগী হোৱাৰ গুৰুত্ব বুজাইছে। তেওঁৰ মতে, এজন উদ্যোগী আৰু এজন নিবনুৱাৰ মাজৰ মূল পাৰ্থক্য হ’ল এলাহ। সফল উদ্যোগী হ’বলৈ কোনো ডাঙৰ ডিগ্ৰীৰ প্ৰয়োজন নহয়, কিন্তু ইয়াৰ বাবে ধৈৰ্য, একাগ্ৰতা, নিয়মানুৱৰ্তিতা, আত্মবিশ্বাস আৰু হাৰ নমনা মনোবৃত্তিৰ দৰে গুণৰ প্ৰয়োজন।
শিক্ষকে চাইকেল চলোৱা শিকাৰ উদাহৰণ দি বুজাইছে যে, যেনেকৈ চাইকেল শিকাৰ সময়ত বহুবাৰ পৰিলেও চেষ্টা এৰি নিদিলেহে সফল হ’ব পাৰি, ঠিক তেনেকৈ ব্যৱসায় বা উদ্যোগৰ ক্ষেত্ৰতো প্ৰথম অৱস্থাত বিফলতা আহিলেও হাৰ नमনা ব্যক্তিয়েই এদিন সফল উদ্যোগী হয়। তেওঁ ইনফ’চিছ (Infosys)ৰ প্ৰতিষ্ঠাপক নাৰায়ণ মূৰ্তি আৰু ৰিলায়েন্স (Reliance)ৰ প্ৰতিষ্ঠাপক ধীৰুভাই আম্বানীৰ দৰে বিশ্ববিখ্যাত উদ্যোগীসকলৰ উদাহৰণ দাঙি ধৰিছে, যিসকলে কোনো সোণৰ চামুচ মুখত লৈ জন্ম লোৱা নাছিল, বৰঞ্চ নিজৰ পৰিশ্ৰম, একাগ্ৰতা আৰু নতুন চিন্তাৰে সফলতাৰ শিখৰত উপনীত হৈছিল।
পাঠটোত কোৱা হৈছে যে উদ্যোগী হ’বলৈ কেৱল ডাঙৰ ব্যৱসায়েই কৰিব নালাগে; এজন শিল্পী, গেলামালৰ দোকানী বা বিউটি পাৰ্লাৰৰ মালিকেও একোজন উদ্যোগী হ’ব পাৰে। উদ্যোগী হ’বলৈ মূলধনতকৈও মানসিক প্ৰস্তুতি আৰু নতুন ধাৰণাৰ প্ৰয়োজন বেছি। বৰ্তমান চৰকাৰেও ‘মুদ্ৰা ঋণ’ আৰু ‘Startup India’ৰ দৰে আঁচনিৰ জৰিয়তে নতুন উদ্যোগীসকলক আৰ্থিক আৰু কাৰিকৰী সহায় আগবঢ়াইছে।
শেষত, পাঠটোৱে এই বাৰ্তা দিয়ে যে বৰ্ধিত জনসংখ্যাৰ সময়ত সকলোৱে চৰকাৰী চাকৰি পোৱাটো অসম্ভৱ। সেয়ে, ছাত্ৰ-ছাত্ৰীসকলে চাকৰিৰ পিছত দৌৰাৰ পৰিৱৰ্তে উদ্যোগী হৈ নিজৰ লগতে আন দহজনৰ বাবে কৰ্মসংস্থানৰ সৃষ্টি কৰিবলৈ মানসিকভাৱে সাজু হোৱা উচিত, যি দেশ আৰু সমাজ উভয়ৰে বাবে মংগলজনক।
পাঠ্যপুথিৰ প্ৰশ্নাৱলী (Chapter End Excises)
ভাব-বিষয়ক
১। (ক) দশম শ্ৰেণীৰ শ্ৰেণীকোঠাত সোমোৱা শ্ৰেণী-শিক্ষক গৰাকীৰ নাম কি?
উত্তৰ: দশম শ্ৰেণীৰ শ্ৰেণীকোঠাত সোমোৱা শ্ৰেণী-শিক্ষক গৰাকীৰ নাম প্ৰকাশ গোস্বামী।
(খ) শ্ৰেণী-শিক্ষকগৰাকীয়ে আলোচনা কৰিবলৈ লোৱা নতুন বিষয়টো কি আছিল?
উত্তৰ: শ্ৰেণী-শিক্ষকগৰাকীয়ে আলোচনা কৰিবলৈ লোৱা নতুন বিষয়টো আছিল— এজন ব্যক্তিয়ে কেনেকৈ নিজকে এজন উদ্যোগী ব্যক্তি হিচাপে গঢ়ি তুলিব পাৰে।
(গ) এজন উদ্যোগী আৰু কৰ্মহীন নিবনুৱাৰ মাজত থকা ক্ষুদ্ৰ ব্যৱধান কি?
উত্তৰ: এজন উদ্যোগী আৰু কৰ্মহীন নিবনুৱাৰ মাজত থকা ক্ষুদ্ৰ ব্যৱধানটো হ’ল এলাহ।
(ঘ) এজন সফল উদ্যোগী হ’বলৈ কি কি গুণৰ প্ৰয়োজন?
উত্তৰ: এজন সফল উদ্যোগী হ’বলৈ ধৈৰ্য, একাগ্ৰতা, নিয়মানুৱৰ্তিতা, সময়ানুৱৰ্তিতা, আত্মবিশ্বাস আৰু হাৰ নমনা মনোবৃত্তিৰ দৰে গুণৰ প্ৰয়োজন।
(ঙ) ক’কা-ক’লা কোম্পানীৰ বিজ্ঞাপনটোত কোৱা কথাটো কি?
উত্তৰ: ক’কা-ক’লা কোম্পানীৰ বিজ্ঞাপনটোত কোৱা হৈছে— “Eat cricket, sleep cricket, dream cricket, drink cricket.”
(চ) নাৰায়ণ মূৰ্তী কোন?
উত্তৰ: নাৰায়ণ মূৰ্তী হ’ল ভাৰতবৰ্ষ তথা বিশ্বৰ এজন সফল উদ্যোগী আৰু ইনফ’চিছ (Infosys) কোম্পানীৰ প্ৰতিষ্ঠাপক।
(ছ) বিজিতে ছাৰক উদ্যোগী সম্পৰ্কে কি কৈছিল?
উত্তৰ: বিজিতে ছাৰক কৈছিল যে উদ্যোগীসকল হ’ল এনে ব্যক্তি যিয়ে নিজে ব্যৱসায় বা উদ্যোগ আৰম্ভ কৰি কোনো বস্তু বা সেৱা বিক্ৰী কৰি নিজৰ জীৱিকা উলিওৱাৰ লগতে আনকো কৰ্মসংস্থান দিবলৈ সক্ষম হয়।
(জ) প্ৰথম অৱস্থাত উদ্যোগীয়ে কি কৰিবলৈ সাজু থাকিব লাগিব?
উত্তৰ: প্ৰথম অৱস্থাত এজন উদ্যোগীয়ে জোতা চিলাইৰ পৰা চণ্ডী পাঠলৈকে সকলো কাম কৰিবলৈ আৰু চাইকেল শিকাৰ দৰে পৰি উঠিবলৈও সাজু থাকিব লাগিব।
(ঝ) টমাচ আলভা এডিছনে ইলেকট্ৰিক বাল্ব তৈয়াৰ কৰাত বাৰে বাৰে বিফল হৈ কি কৈছিল?
উত্তৰ: টমাচ আলভা এডিছনে কৈছিল, “মই বিফল হোৱা নাই। মাত্ৰ বুজিলোঁ যে ১০০০০ ধৰণে ই কাম নকৰে।”
২। চমুকৈ বুজাই লিখা:
(ক) ‘উদ্যোগী পুৰুষ সিংহৰ সমান, এলেহুৱা কাপুৰুষৰ নিচান।’—শিক্ষকগৰাকয়ে কিয় এইদৰে ক’লে বুজাই লিখা।
উত্তৰ: শিক্ষকগৰাকীয়ে এইদৰে কৈছিল কাৰণ উদ্যোগী ব্যক্তিয়ে নিজৰ পৰিশ্ৰম আৰু সাহসৰ দ্বাৰা সিংহৰ দৰে পৰাক্ৰমেৰে সফলতা অৰ্জন কৰে আৰু সমাজত সন্মান লাভ কৰে। আনহাতে, এলেহুৱা ব্যক্তি কোনো কাম নকৰি কাপুৰুষৰ দৰে আনৰ ওপৰত নিৰ্ভৰশীল হৈ থাকে আৰু সমাজত তেওঁলোকৰ কোনো মূল্য নাথাকে। সেয়ে, উদ্যোগী আৰু এলেহুৱাৰ মাজৰ পাৰ্থক্য বুজাবলৈ তেওঁ এইদৰে কৈছিল।
(খ) সফল উদ্যোগী হ’বলৈ কিয় কঠিন?
উত্তৰ: সফল উদ্যোগী হ’বলৈ কঠিন কাৰণ ইয়াৰ বাবে কিছুমান বিশেষ গুণৰ প্ৰয়োজন হয়, যিবোৰ সকলোৰে নাথাকে। সেই গুণবোৰ হ’ল— অসীম ধৈৰ্য, একাগ্ৰতা, কঠোৰ নিয়মানুৱৰ্তিতা, আত্মবিশ্বাস আৰু বহু বিফলতাৰ পিছতো হাৰ নমনা মনোবৃত্তি। এই গুণবোৰ অৰ্জন কৰা আৰু ধৰি ৰখাটো কঠিন, সেয়ে সফল উদ্যোগী হোৱাটোও কঠিন।
(গ) এজন উদ্যোগী হ’বলৈ যোৱাটোও চাইকেল চলাবলৈ শিকাৰ দৰে একক প্ৰচেষ্টাৰে কৰা কাম বুলি শিক্ষকগৰাকীয়ে কিয় কৈছে বুজাই লিখা।
উত্তৰ: চাইকেল চলাবলৈ শিকাৰ সময়ত এজন ব্যক্তিয়ে বহুবাৰ পৰে, দুখ পায়, কিন্তু চেষ্টা এৰি নিদিয়ে। বাৰে বাৰে চেষ্টা কৰাৰ ফলত তেওঁ এদিন সফল হয়। ঠিক তেনেকৈ, উদ্যোগৰ পথতো বহুতো বাধা-বিঘিনি আৰু বিফলতা আহে। যিজনে সেই বিফলতাবোৰক নেওচি একক প্ৰচেষ্টাৰে অবিৰতভাৱে চেষ্টা কৰি যায়, তেওঁৱেই এদিন সফল উদ্যোগী হ’ব পাৰে। দুয়োটা ক্ষেত্ৰতে ব্যক্তিগত প্ৰচেষ্টা, ধৈৰ্য আৰু অবিৰত অনুশীলনৰ প্ৰয়োজন, সেয়ে শিক্ষকগৰাকীয়ে এইদৰে তুলনা কৰিছে।
(ঘ) উদ্যোগী কোনসকল ব্যক্তিক কোৱা হয় বুজাই লিখা।
উত্তৰ: যিসকল ব্যক্তিয়ে নিজে কোনো ব্যৱসায় বা উদ্যোগ আৰম্ভ কৰি কোনো নতুন সামগ্ৰী বা সেৱা আগবঢ়াই সমাজৰ কোনো অভাৱ পূৰণ কৰে আৰু তাৰ জৰিয়তে নিজৰ জীৱিকা অৰ্জন কৰাৰ লগতে আনৰ বাবেও কৰ্মসংস্থানৰ সৃষ্টি কৰে, তেওঁলোককে উদ্যোগী বোলা হয়। যেনে— এজন শিল্পী, এখন ৰেষ্টুৰাঁৰ মালিক, বা এটা তথ্য-প্ৰযুক্তি ফাৰ্মৰ প্ৰতিষ্ঠাপক— সকলোৱেই উদ্যোগী।
৩। ইন্ফচিচ কোম্পানীৰ প্ৰতিষ্ঠাপক কোন? তেওঁ ভাৰতবৰ্ষ তথা বিশ্বৰ এজন সফল উদ্যোগী হোৱাৰ আঁৰৰ কাহিনীটো বৰ্ণনা কৰা।
উত্তৰ: ইন্ফচিচ কোম্পানীৰ প্ৰতিষ্ঠাপক হ’ল নাৰায়ণ মূৰ্তি।
তেওঁ এটা নিম্ন মধ্যবিত্ত পৰিয়ালত জন্মগ্ৰহণ কৰিছিল। অভিযান্ত্ৰিক শিক্ষা সাং কৰি তেওঁ প্ৰথমে ‘Softronics’ নামৰ এটা কোম্পানী খোলে, কিন্তু সেয়া বিফল হয়। তাৰ পিছত তেওঁ পুনৰ চাকৰিত যোগদান কৰে যদিও উদ্যোগী হোৱাৰ দুৰ্বাৰ হেঁপাহৰ বাবে চাকৰি এৰি দিয়ে। তেওঁ পত্নীৰ পৰা দহ হাজাৰ টকা ধাৰলৈ লৈ কেইজনমান বন্ধুৰ সৈতে ‘ইন্ফচিচ’ কোম্পানী আৰম্ভ কৰে। প্ৰথম অৱস্থাত বহুতো বাধাৰ সন্মুখীন হ’লেও, তেওঁলোকে ধৈৰ্য আৰু একাগ্ৰতাৰে কাম কৰি যায়। নব্বৈৰ দশকত ভাৰতীয় অৰ্থনীতিৰ উদাৰীকৰণৰ ফলত তেওঁলোকে এক বৃহৎ সুযোগ লাভ কৰে আৰু তাৰ পিছত তেওঁলোকক আৰু পাছলৈ ঘূৰি চাব লগা হোৱা নাই। নিজৰ পৰিশ্ৰম আৰু হাৰ নমনা মনোবৃত্তিৰ বাবেই আজি নাৰায়ণ মূৰ্তি বিশ্বৰ এজন সফল উদ্যোগী।
৪। “ছাৰ, এজন উদ্যোগী হ’বৰ বাবে শিক্ষাগত অৰ্হতা কেনেধৰণৰ হ’ব লাগিব?”—এইদৰে কোনে সুধিছিল? তাৰ উত্তৰত শিক্ষকে কি কৈছিল বুজাই লিখা।
উত্তৰ: এইদৰে প্ৰীতম নামৰ ছাত্ৰজনে সুধিছিল।
তাৰ উত্তৰত শিক্ষকে কৈছিল যে শিক্ষাগত অৰ্হতা নিৰ্ভৰ কৰে ব্যক্তিজনে কোনটো দিশত উদ্যোগী হ’ব বিচাৰে তাৰ ওপৰত। এখন ধাবা বা গেলামালৰ দোকান খুলিবলৈ বিশেষ শিক্ষাগত অৰ্হতাৰ প্ৰয়োজন নাই, কিন্তু সাধাৰণ জ্ঞান আৰু বুদ্ধিৰ প্ৰয়োজন। আনহাতে, বিউটি পাৰ্লাৰ বা মটৰ গেৰেজৰ দৰে কামৰ বাবে কাৰিকৰী কৌশল (Skill) থকাটো জৰুৰী। বৰ্তমানৰ তথ্য-প্ৰযুক্তিৰ যুগত কম্পিউটাৰ ইঞ্জিনিয়াৰিং বা MBA-ৰ দৰে ডিগ্ৰী থাকিলে উদ্যোগৰ ক্ষেত্ৰত সফলতা লাভ কৰাত সহায়ক হয়।
৫। “এজন উদ্যোগী হোৱা যিমান সহজ, সফল হোৱাটো কিন্তু সিমান সহজ নহয়।”—কথাষাৰ পাঠৰ আধাৰত বুজাই লিখা।
উত্তৰ: উদ্যোগী হোৱাটো সহজ কাৰণ ইয়াৰ বাবে কোনো ডাঙৰ ডিগ্ৰী বা বিশাল মূলধনৰ প্ৰয়োজন নহয়, কেৱল এটা ইচ্ছা আৰু সৰু আৰম্ভণিৰেই হ’ব পাৰে। কিন্তু সফল হোৱাটো কঠিন কাৰণ ইয়াৰ বাবে বহুতো গুণৰ প্ৰয়োজন। উদ্যোগৰ পথটো বহুতো বিফলতা, বাধা-বিঘিনি আৰু প্ৰত্যাহ্বানেৰে ভৰা। এই সকলোবোৰ নেওচি আগবাঢ়ি যাবলৈ অসীম ধৈৰ্য, একাগ্ৰতা, আত্মবিশ্বাস আৰু হাৰ নমনা মনোবৃত্তিৰ প্ৰয়োজন। প্ৰথম অৱস্থাত এজন উদ্যোগীয়ে সকলো কাম নিজে কৰিবলগীয়া হয়। এই কষ্ট আৰু সংগ্ৰামৰ বাবে বহুতে মাজপথতে হাৰ মানে। সেয়ে, উদ্যোগী হোৱাটো সহজ যেন লাগিলেও, সফল হোৱাটো বহুত কঠিন।
৬। “ভাৰতৰ সৰ্বতোকালৰ এজন সফল ব্যৱসায়ী ধীৰুভাই আম্বানীৰ হাতত মূলধনো নাছিল।”— ধীৰুভাই আম্বানীয়ে হাতত মূলধন আৰু শিক্ষাগত অৰ্হতা নথকাকৈ কেনেকৈ এজন সফল উদ্যোগী হ’ব পাৰিছিল, বৰ্ণনা কৰা।
উত্তৰ: ধীৰুভাই আম্বানীৰ শিক্ষাগত অৰ্হতা বিশেষ নাছিল আৰু তেওঁৰ হাতত ব্যৱসায় আৰম্ভ কৰিবলৈ কোনো মূলধনো নাছিল। তেওঁ প্ৰথমে এটা পেট্ৰ’ল ডিপোত সাধাৰণ কাম কৰিছিল। কিন্তু উদ্যোগী হোৱাৰ প্ৰবল ইচ্ছাৰ বাবে তেওঁ চাকৰি এৰি ব্যৱসায় কৰাৰ সিদ্ধান্ত লয়। তেওঁ “তোমাৰ বাৰীৰে বাঁহ-গাজ আনি তাৰে কৰিছোঁ খৰিচা” এই অসমীয়া ফকৰা-যোজনাৰ দৰেই ৰাইজৰ পৰা ধন সংগ্ৰহ কৰি কাপোৰৰ ব্যৱসায় আৰম্ভ কৰে। তেওঁ ৰাইজৰ ধনেৰে কাপোৰ তৈয়াৰ কৰি পুনৰ ৰাইজকে বিক্ৰী কৰি লাভ অৰ্জন কৰে আৰু সেই লাভৰ অংশ অংশীদাৰসকলৰ মাজত বিতৰণ কৰে। এইদৰে, তেওঁ মূলধনৰ অভাৱক নিজৰ বুদ্ধি আৰু ব্যৱসায়িক কৌশলেৰে অতিক্ৰম কৰি ভাৰতৰ এজন সফলতম উদ্যোগী হৈ পৰিছিল।
৭। ছাত্ৰ-ছাত্ৰীসকলক উদ্যোগী হিচাপে মানসিকভাৱে প্ৰস্তুত কৰি ৰাখিবলৈ কি কি কৰিব পৰা যায়?
উত্তৰ: ছাত্ৰ-ছাত্ৰীসকলক উদ্যোগী হিচাপে মানসিকভাৱে প্ৰস্তুত কৰিবলৈ তলত দিয়া পদক্ষেপসমূহ ল’ব পাৰি:
- উদ্যোগী কোষ (Entrepreneur Cell): মহাবিদ্যালয়, বিশ্ববিদ্যালয় আদিত উদ্যোগী কোষ গঠন কৰি নিয়মীয়াকৈ কৰ্মশালা আৰু প্ৰশিক্ষণৰ আয়োজন কৰা।
- চৰকাৰী আঁচনিৰ বিষয়ে সজাগতা: ‘Startup India’, ‘মুদ্ৰা ঋণ’ আদি চৰকাৰী আঁচনিৰ বিষয়ে ছাত্ৰ-ছাত্ৰীসকলক অৱগত কৰোৱা।
- প্ৰেৰণামূলক আলোচনা: সফল উদ্যোগীসকলক আমন্ত্ৰণ কৰি তেওঁলোকৰ অভিজ্ঞতা আৰু সংগ্ৰামৰ কাহিনী ছাত্ৰ-ছাত্ৰীসকলৰ আগত দাঙি ধৰা।
- ব্যৱহাৰিক জ্ঞান: ছাত্ৰ অৱস্থাৰ পৰাই সৰু-সুৰা ব্যৱসায়িক প্ৰকল্পত জড়িত হ’বলৈ উৎসাহিত কৰা।
৮। চমুটোকা লিখা:
- টমাচ আলভা এডিচন: এজন বিখ্যাত আমেৰিকান আৱিষ্কাৰক আৰু ব্যৱসায়ী। তেওঁ ইলেকট্ৰিক বাল্ব, ফোনোগ্ৰাফ আদি বহুতো গুৰুত্বপূৰ্ণ যন্ত্ৰ আৱিষ্কাৰ কৰিছিল। তেওঁৰ হাৰ নমনা মনোবৃত্তিৰ বাবে তেওঁ বিশ্বজুৰি জনাজাত।
- আলেকজেণ্ডাৰ গ্ৰাহাম বেল: টেলিফোনৰ আৱিষ্কাৰক হিচাপে বিশ্ববিখ্যাত এজন বিজ্ঞানী আৰু অভিযন্তা। তেওঁৰ আৱিষ্কাৰে যোগাযোগৰ জগতখনত এক বৈপ্লৱিক পৰিৱৰ্তন আনিছিল।
- বিল গেট্ছ: মাইক্ৰ’ছফ্টৰ সহ-প্ৰতিষ্ঠাপক আৰু বিশ্বৰ এজন অন্যতম ধনী আৰু সফল উদ্যোগী। তেওঁ ব্যক্তিগত কম্পিউটাৰৰ বিপ্লৱৰ এজন মুখ্য পথ-প্ৰদৰ্শক। তেওঁৰ মতে, উদ্যোগীৰ বাবে বিক্ৰী কৌশল (marketing skill) অতি গুৰুত্বপূৰ্ণ।
- উইলিয়াম চেক্সপীয়েৰ: ইংৰাজী ভাষাৰ সৰ্বশ্ৰেষ্ঠ নাট্যকাৰ আৰু কবি। তেওঁ কৈছিল যে আমাৰ ভাগ্য গ্ৰহ-নক্ষত্ৰই নহয়, বৰঞ্চ আমাৰ নিজৰ ভিতৰতে নিহিত থাকে।
- অংগৰাগ পাপন মহন্ত: অসমৰ এজন জনপ্ৰিয় আৰু প্ৰতিষ্ঠিত কণ্ঠশিল্পী, সুৰকাৰ আৰু সংগীত পৰিচালক। তেওঁ নিজৰ শিল্পকৰ্মৰ জৰিয়তে এজন সফল সাংস্কৃতিক উদ্যোগীৰ নিদৰ্শন দাঙি ধৰিছে।
HSLC পৰীক্ষাৰ পূৰ্ববৰ্ষৰ প্ৰশ্নোত্তৰ (২০১৫-২০২৫)
চমু প্ৰশ্ন:
- এজন উদ্যোগী আৰু কৰ্মহীন নিবনুৱাৰ মাজৰ ক্ষুদ্ৰ ব্যৱধানটো কি? (HSLC 2018)
উত্তৰ: এজন উদ্যোগী আৰু কৰ্মহীন নিবনুৱাৰ মাজৰ ক্ষুদ্ৰ ব্যৱধানটো হ’ল এলাহ। - নাৰায়ণ মূৰ্তি কোন? (HSLC 2019)
উত্তৰ: নাৰায়ণ মূৰ্তি হ’ল ভাৰতৰ বিখ্যাত তথ্য-প্ৰযুক্তি কোম্পানী ইন্ফচিচ (Infosys)ৰ প্ৰতিষ্ঠাপক। - ধীৰুভাই আম্বানীয়ে ব্যৱসায়ৰ বাবে মূলধন ক‘ৰ পৰা সংগ্ৰহ কৰিছিল? (HSLC 2020)
উত্তৰ: ধীৰুভাই আম্বানীয়ে ৰাইজৰ পৰা ধন সংগ্ৰহ কৰি ব্যৱসায়ৰ বাবে মূলধন গোটাইছিল। - বিল গেট্ছ কোন? (HSLC 2022)
উত্তৰ: বিল গেট্ছ হ’ল বিশ্ববিখ্যাত কম্পিউটাৰ ছফ্টৱেৰ কোম্পানী মাইক্ৰ’ছফ্টৰ সহ-প্ৰতিষ্ঠাপক।
দীঘল প্ৰশ্ন:
- সফল উদ্যোগী হ‘বলৈ কি কি গুণৰ প্ৰয়োজন? পাঠৰ আধাৰত আলোচনা কৰা। (HSLC 2019)
উত্তৰ: সফল উদ্যোগী হ’বলৈ কেইবাটাও গুৰুত্বপূৰ্ণ গুণৰ প্ৰয়োজন। সেইবোৰ হ’ল:- ধৈৰ্য: বিফলতাত হতাশ নহৈ ধৈৰ্যৰে চেষ্টা কৰি থকা।
- একাগ্ৰতা: নিজৰ লক্ষ্যত স্থিৰ হৈ থকা।
- নিয়মানুৱৰ্তিতা: সময় আৰু কামৰ প্ৰতি অনুশাসন মানি চলা।
- আত্মবিশ্বাস: নিজৰ সামৰ্থ্যৰ ওপৰত সম্পূৰ্ণ বিশ্বাস ৰখা।
- হাৰ নমনা মনোবৃত্তি: যিকোনো পৰিস্থিতিতে হাৰ নামানি আগবাঢ়ি যোৱাৰ মানসিকতা।
- সৃজনশীলতা: নতুন ধাৰণা আৰু চিন্তাৰে সমস্যাৰ সমাধান কৰা।
- “এজন উদ্যোগী হোৱা যিমান সহজ, সফল হোৱাটো কিন্তু সিমান সহজ নহয়।”— কথাষাৰ পাঠৰ আধাৰত বহলাই লিখা। (HSLC 2020, 2022)
উত্তৰ: (ওপৰৰ ৫ নং প্ৰশ্নৰ উত্তৰ চাওক।)
অতিৰিক্ত ১০টা সম্ভাৱ্য গুৰুত্বপূৰ্ণ প্ৰশ্নোত্তৰ
- ‘আন্ট্রাপ্ৰিনিওৰ’ (Entrepreneur) শব্দটোৰ অসমীয়া প্ৰতিশব্দ কি?
উত্তৰ: ‘আন্ট্রাপ্ৰিনিওৰ’ শব্দটোৰ অসমীয়া প্ৰতিশব্দ হ’ল ‘উদ্যোগী’। - পাঠটোত উল্লেখ কৰা ক‘কা-ক’লাৰ বিজ্ঞাপনটোৱে কি তাৎপৰ্য বহন কৰে?
উত্তৰ: ইয়াৰ তাৎপৰ্য হ’ল যে এজন উদ্যোগীয়ে তেওঁৰ লক্ষ্যৰ প্ৰতি সম্পূৰ্ণৰূপে সমৰ্পিত হ’ব লাগে, অৰ্থাৎ খাওঁতে, শোওঁতে, উঠোঁতে— সকলো সময়তে তেওঁ নিজৰ সপোনক লৈয়েই জীয়াই থাকিব লাগে। - নাৰায়ণ মূৰ্তিয়ে প্ৰতিষ্ঠা কৰা প্ৰথম কোম্পানীটোৰ নাম কি আছিল?
উত্তৰ: নাৰায়ণ মূৰ্তিয়ে প্ৰতিষ্ঠা কৰা প্ৰথম কোম্পানীটোৰ নাম আছিল ‘Softronics’। - বিল গেট্ছৰ মতে উদ্যোগীসকলৰ বাবে আটাইতকৈ গুৰুত্বপূৰ্ণ অধ্যায়টো কি?
উত্তৰ: বিল গেট্ছৰ মতে উদ্যোগীসকলৰ বাবে আটাইতকৈ গুৰুত্বপূৰ্ণ অধ্যায়টো হ’ল বিক্ৰী কৰা (marketing)। - “আপুনি যদি দুখীয়া হৈ জন্ম হৈছে সেয়া আপোনাৰ ভুল নহয়, কিন্তু আপুনি যদি দুখীয়া হৈ মৰে সেয়া আপোনাৰ ভুল।” — এই বিখ্যাত উক্তিটো কাৰ?
উত্তৰ: এই বিখ্যাত উক্তিটো বিল গেট্ছৰ। - পাঠটোত উল্লেখ কৰা চৰকাৰী প্ৰশিক্ষণ প্ৰতিষ্ঠানটোৰ নাম কি?
উত্তৰ: পাঠটোত উল্লেখ কৰা চৰকাৰী প্ৰশিক্ষণ প্ৰতিষ্ঠানটোৰ নাম হ’ল Indian Institute of Entrepreneurship (IIE)। - উদ্যোগী হোৱাৰ গুণ জন্মগত নে ইয়াক গঢ়িব পাৰি?
উত্তৰ: পাঠটোৰ মতে, উদ্যোগী হোৱাৰ গুণ জন্মগত নহয়। উপযুক্ত প্ৰশিক্ষণ আৰু অভিৰোচন (motivation)ৰ দ্বাৰা ইয়াক গঢ়ি তুলিব পাৰি। - ধীৰুভাই আম্বানীয়ে ব্যৱসায় ক‘ৰ পৰা আৰম্ভ কৰিছিল?
উত্তৰ: ধীৰুভাই আম্বানীয়ে মুম্বাইৰ এটা ৩৫০ বৰ্গফুটৰ কোঠাৰ পৰা কাপোৰৰ ব্যৱসায় আৰম্ভ কৰিছিল। - ‘Startup India’ আঁচনিৰ উদ্দেশ্য কি?
উত্তৰ: ‘Startup India’ আঁচনিৰ উদ্দেশ্য হ’ল নতুন উদ্যোগীসকলক ব্যৱসায় আৰম্ভ কৰিবলৈ মূলধন, কাৰিকৰী সহায় আৰু প্ৰশিক্ষণ প্ৰদান কৰা। - পাঠটোৰ মূল বাৰ্তা কি?
উত্তৰ: পাঠটোৰ মূল বাৰ্তা হ’ল— যুৱ প্ৰজন্মই কেৱল চাকৰিৰ পিছত দৌৰি সময় নষ্ট নকৰি, নিজকে উদ্যোগী হিচাপে গঢ়ি তুলি আত্মনিৰ্ভৰশীল হোৱাৰ লগতে দেশৰ অৰ্থনীতিতো বৰঙণি যোগোৱা উচিত।