এভাৰেষ্টৰ সপােন আৰু বিভীষিকা Class 11 প্রশ্ন-উত্তৰ Lesson 8

এভাৰেষ্টৰ সপােন আৰু বিভীষিকা

অতি চমু প্রশ্ন

১।এভাৰেষ্ট আৰােহণ কৰাৰ সময়ত লেখক তথা তেওঁৰ সতীর্থই কি পৰিধান কৰিছিল?
উত্তৰ : এভাৰেষ্ট আৰােহণ কৰাৰ সময়ত লেখক আৰু তেওঁৰ সতীর্থই বতাহ আৰু বৰষুণৰ পানী প্রতিৰােধী জেকেট আৰু ট্রাউজাৰ পৰিধান কৰিছিল।

২। পৃথিৱীৰ সর্বোচ্চ শৃংগ মাউন্ট এভাৰেষ্ট সমুদ্র পৃষ্ঠ পৰা কিমান ফুট উচ্চতাত অৱস্থিত ?
উত্তৰ : পৃথিৱীৰ সর্বোচ্চ শৃংগ মাউন্ট এভাৰেষ্ট সমুদ্র পৃষ্ঠৰ পৰা ২৯,০৩৫ ফুট উচ্চতাত অৱস্থিত।

×

৩৷ অসম এভাৰেষ্ট অভিযান’ৰ ৯ জনীয়া অভিযাত্রী দলটোৱে আৰহণৰ কৌশল অনুশীলনৰ বাবে ওলাই যােৱা হিমবাহ ক্ষেত্ৰৰ নাম কি আছিল?
উত্তৰ : অসম এভাৰেষ্ট অভিযানৰ ৯ জনীয়া অভিযাত্রী দলটোৱে আৰহণৰ কৌশল অনুশীলনৰ বাবে ওলাই যােৱা হিমবাহ ক্ষেত্ৰৰ নাম ‘পুমৰি’।

৪। নেপালীসকলৰ জনবিশ্বাসমতে ‘সাগৰ মাথা’ মাউন্ট এভাৰেষ্টৰ জীয়ৰী বুলি কাক জনা যায় ?
উত্তৰ: নেপালী সকলৰ জনবিশ্বাসমতে সাগৰ মাখা মাউন্ট এভাৰেষ্টৰ জীয়ৰী বুলি ‘পু’মৰি শিখৰ ক জানা যায়।

৫। লেখক তথা তেওঁৰ সতীর্থবৃন্দই কাৰ নেতৃত্ব ২০১৫ চনত ‘অসম এভাৰেষ্ট অভিযান’ নাম দি এভাৰেষ্টলৈ অভিযান চলায় ?
উত্তৰঃ লেখক তথা তেওঁৰ সতীর্থই মানস বৰুৱাৰ নেতৃত্বত ২০১৫ চনত ‘অসম এভাৰেষ্ট অভিযান’ নাম দি এভাৰেষ্টলৈ অভিজান চলায়।

(খ) চমু প্রশ্ন

১। হিমানী সম্প্রপাতৰ প্ৰলয়ংকৰী ৰূপক প্রতিহত কৰি অসম এভাৰেষ্ট অভিযান’ৰ দলটোৱে নিজকে মৃত্যুপথৰ পৰা উদ্ধাৰ কৰিবলৈ কেনেধৰণৰ কৌশল অৱলম্বন কৰিছিল?
উত্তৰঃ হিমানী সম্প্রপাতৰ প্রলংয়কৰী ৰূপক প্রতিহত কৰিবলৈ অসম এভাৰেষ্ট অভিযানৰ দলটোৱে শ্বের্পাকেইজনৰ লগতে দলটোৰ সকলােৱে গােলাকাৰভাৱে কান্ধত কান্ধ মিলাই। ইজনে সিজনক সাবটি ধৰি আঁঠুত সামান্য ভৰি ভাজ কৰি এভালেন্স পজিশ‍্যন বা হিমস্থালনৰ সাৱধানতা লৈ নিজকে মৃত্যুপথৰ পৰা উদ্ধাৰ কৰিছিল।

২। দ্রুতবেগী হিমানী সম্প্রপাতৰ ওচৰত জীৱনে হাৰ মনা এভাৰেষ্টৰ ভিন্ন অভিযানৰ চিকিৎসক দুগৰাকী কোন কোন দেশৰ আছিল?
উত্তৰঃ দ্রুতবেগী হিমানী সম্প্রপাতৰ ওচৰত জীৱনে হাৰ মনা এভাৰেষ্টৰ ভিন্ন অভিযানৰ চিকিৎসক দুগৰাকীৰ এজন আছিল চীন দেশৰ আৰু আনজন আছিল আমেৰিকা যুক্তৰাষ্ট্রৰ।

৩। KHUMBO ICE FALL বুলিলে কি বুজা?
উত্তৰ : খুম্বু হিমবাহৰ ঠাইত বৰফৰ নদীখন ভাঙি খণ্ড-বিখণ্ড হৈ স্তূপীকৃত বৰফৰ বহু প্রাচীৰৰ সৃষ্টি কৰিছে। যাক খুম্বু আইচ ফল (KHUMBOICE FALL) বুলি কোৱা হয়।

৪। কাৰ নেতৃত্বত কোন অঞ্চললৈ ট্রেকিংঅভিযানৰ অংশ লওঁতে লেখকৰ মনত এভাৰেষ্ট আৰোহণৰ সপােন ৰােপিত হৈছিল ?
উত্তৰ : পর্বতাৰােহী নেছিম আখতাৰ বাইটীৰ নেতৃত্বত নেপাল-হিমালয়ৰ হেলেম্বু অঞ্চললৈ এক ট্রেকিং অভিযানত অংশ লওঁতে লেখক প্রণয় বৰদলৈৰ মনত এভাৰেষ্ট আৰােহণৰ সপােন ৰােপিত হৈছিল।

৫। প্রথম অসমীয়া এভাৰেষ্ট আৰােহণকাৰী দুজন কোন কোন আছিল?
উত্তৰ : প্ৰথম অসমীয়া এভাৰেষ্ট আৰােহণকাৰী দুজনা আছিল : তৰুণ শইকীয়া আৰু মণিষ ডেকা।

এভাৰেষ্টৰ সপােন আৰু বিভীষিকা দীঘল প্রশ্ন

১। লেখকৰ অনুশীলনৰ অন্তিম পর্যায়ত অহা ভূমিকম্পৰ জোকাৰণিত নামি অহা হিমানী সম্প্র পাতে অভিযানকাৰী দলক কি পৰিস্থিতিৰ মুখামুখি কৰাইছিল?
উত্তৰ : লেখক তথা তেওঁৰ সতীর্থসকলৰ অনুশীলনৰ অন্তিম পর্যায়ত সিহঁতে অকস্মাৎ বৰফৰ পৃষ্ঠভাগৰ পৰা গুমগুমনি শব্দ আৰু জোকাৰণি অনুভৱ কৰে। সেই জোকাৰণি ২ মিনিট সময় ধৰি অব্যাহত আছিল। সেয়া আছিল ভূমিকম্প। ভূমিকম্পৰ লগে লগে দলটোৰ আটাইকেইজন সদস্য আৰু শ্বের্পাই এঠাইত গােট খােৱাৰ চেষ্টা কৰে। এনেতে হঠাৎ কাষৰ পাহাৰৰ ওপৰৰ পৰা প্রচণ্ড শব্দ কৰি পিছপিনে থকা নাপচে শিখৰৰ পৰা এভালেন্স নামি আহে। ইপিনে দাঁতিকাষৰৰ শিখৰত জমা হৈ থকা বৰফখণ্ড সেই ভূমিকম্পৰ জোকাৰণিত তললৈ খহি পৰে। ইয়াৰ অলপ পিছত এক ভয়ঙ্কৰ বিস্ফোৰণ হয়। সিহঁতে পিছপিনে ঘূৰি চাই বেছ কেম্পৰ পৰা ২-৩ কিলােমিটাৰ্মান নিলগত থকা পু’মৰি শিখৰৰ পৰা বিশাল বৰফখণ্ড বাগৰি পৰা দেখিবলৈ পায়। লগে লগে ই প্রলয়ংকৰী ৰূপ ধাৰণ কৰে আৰু অতি দ্রুত গতিত ৭-৮ চেকেণ্ডমানৰ ভিতৰতে সিহঁতৰ বেছ কেম্পত আঘাত কৰে। ফলত বেছ কেম্পত থকা সিহঁতৰ তম্বুসমূহ কাগজৰ দৰে উৰি যায়। পিছ মূহুর্ততে সেই এভালেন্স সিহঁতৰ পিনে ধাৱমান হয়। সিহঁত সম্পূৰ্ণৰূপে বৰফৰ মাজত পােত যায়। কিন্তু সৌভাগ্যক্রমে অলপ পিছতে সেই এভালেন্সৰ গতি হ্রাস হৈ নােহােৱা হয়। দলটোৱে কথমপি মৃত্যুৰ গৰাহৰ পৰা ৰক্ষা পায়।

২। হিমানী সম্প্রপাতৰ পিছত অভিযানকাৰী। দলটিয়ে নিজৰ কেম্পলৈ গৈ বৰফৰ দৈত্যৰ কেনে। ধ্বংসলীলা দেখিছিল?
উত্তৰ : হিমানী সম্প্রপাতৰ কৱলৰ পৰা ৰক্ষা পাই অভিযানকাৰী দলটোৱে নিজৰ কেম্পলৈ যায়। তাত গৈ দেখা পায় যে হিমানী সম্প্রপাতে সিহঁতৰ টেন্টসমূহ উটুৱাই লৈ গৈছে। আন দুটা আন্তর্জাতিক অভিযানকাৰী দলৰ লগত অহা দুজন চিকিৎসক মৃত্যু মূখত পৰিছে। লগতে ৫০ জন অন্যান্য অভিযানকাৰী দলৰ সদস্যৰ মৃত্যু হৈছে। সিহঁতৰ সকলো ৰচদ-পাতি, খাদ্য সামগ্রী নষ্ট হৈছে। লিখকৰ বেছ কেম্পৰ মেনেজাৰ শৈলেন আৰু অমৰ বেছ কেম্পতে আছিল যদিও সিহঁতে ১১ বজাত অনুশীলনকাৰী দলটোক চাহদিবলৈ ওলাই যােৱাত সিহঁত সেই ধ্বংস লীলাৰ পৰা ৰক্ষা পৰে। বেছ কেম্প আহি পায়েই সিহঁতৰ দলটোৰ চিকিৎসক জগদীশ বসুমতাৰী আহতসকলক চিকিৎসা প্রদানত ব্যস্ত হৈ পৰিছিল । দলৰ অন্যান্য সদস্যসকলে বৰফে উটুৱাই নিয়া টেন্টসমূহ উদ্ধাৰ কৰি ওচৰতে তিৰপাল পাৰি জমা কৰে আৰু ততাতৈয়াকৈ সিহঁতে সিহঁতৰ অভিযান। সামৰি উভতি আহিবলৈ সিদ্ধান্ত লয়।

৩। এভাৰেষ্ট অভিযানৰ সংশয়ৰ দিন এটিত লেখকৰ মনত হাঁহিৰ খােৰাক জন্মােৱা ঘটনাটো কি আছিল?
উত্তৰ : এভাৰেষ্ট অভিযানৰ সংশয়ৰ দিন এটিত লেখকৰ মনত হাঁহিৰ খােৰাক জন্মােৱা ঘটনাটো আছিল। এয়া যে সিহঁতে প্রায় বিশ দিনমান মাছৰ সােৱাদ ল’ব পৰা নাছিল। সেয়ে দুদিনমানৰ প্ৰস্তুতিৰে বেছ কেম্পৰ মেনেজাৰ অমৰ ডেকাই কাঠমাণ্ডুৰ পৰা হেলিকপ্তাৰেৰে মাছ অনাৰ ব্যৱস্থা কৰে। অমৰে থেকেৰাৰে মাছৰ টেঙা ৰান্ধিবৰ বাবে দলটোৰ লগত থকা ৰান্ধনিৰ জৰিয়তে বিশেষ ব্যৱস্থাও কৰে। অভিযানকাৰী দলটোয়ে জলপান খাই এই আশাৰে ওলাই গৈছিল দুপৰীয়া মাছৰ টেঙাৰে ভাত এসাজ পেটপুৰাই খাব। কিন্তু হিমানী সম্প্রপাতে সিহঁতে আশ্রয় লােৱা টেন্টসমূহৰ লগতে ডাইনিং টেন্টটো উৰুৱাই নি নিছিল। সেই বৰফৰ দৈত্যই সিহঁতৰ খাদ্য সামগ্ৰীৰ লগতে কাঠমাণ্ডুৰ পৰা অনা মাছৰ টেঙাৰ আঞ্জাও সম্পূর্ণৰূপে গ্রাস কৰিছিল। এয়া আছিল লিখকৰ মনত হাঁহিৰ খােৰাক যােগােৱা উঠা ঘটনা।

৪। প্রয়াত পর্বতাৰােহী নেছিম আখতাৰ আৰু লেখকৰ মাজত হােৱা কথােপকথনৰ এটি চমুটোকা যুগুত কৰা।
উত্তৰ : নেছিম আখটাৰ আছিল এজন অভিজ্ঞ পর্বতাৰােহী আছিল। এবাৰ তেওঁৰ নেতৃত্বত লিখক প্রণয় বৰদলৈয়ে নেপাল-হিমালয়ৰ হেলেম্বু অঞ্চললৈ এক ট্রেকিং অভিযানত অংশ লৈছিল। সেই অভিযানত সিহঁতে শুভ্র-কীৰিট পৰিহিত শিখৰৰ মাজত এভাৰেষ্টক শৃঙ্গ দেখা পাইছিল। তেতিয়াৰ পৰাই লিখক প্রণয় বৰদলৈয়ে বিশ্বৰ সর্বোচ্চ চূড়া এভাৰেষ্ট শৃঙ্গত থিয় হৈতলৰ পৃথিৱী চোৱাৰ হেঁপাহ কৰিছিল। বয়সৰ লগে লগে তেওঁৰ সেই সপােন স্তমিত হৈ পৰিছিল। কিন্তু নেছিম আখতাৰে তেওঁক ক’লে,“দেশৰ অন্য প্রান্ত পর্বতাৰােহীয়ে যেতিয়া পাৰিছে অসমৰ পর্বতাৰােহীয়ে এভাৰেষ্টৰ শীৰ্ষত থিয় হ’ব নােৱাৰিব কিয়?”
তেতিয়া পৰা লিখকে মনত নতুন উৎসাহ লাভ কৰে আৰু এভাৰেষ্ট বিজয় কৰিব বুলি সিদ্ধান্ত লয়। কিন্তু নাছিমআখতাৰৰ অকাল বিয়ােগ হােৱাত প্রণয় বৰদলৈয়ে আন পর্বতাৰােহী দলৰ লগত এভাৰেষ্ট অভিযানত অংশ লয়।

৫। অসম এভাৰেষ্টঅভিযান’দলটিৰ ওভতনি যাত্রা কেনেকুৱা আছিল ব্যাখ্যা কৰা।
উত্তৰ : ‘অসম এভাৰেষ্ট অভিযান’ দলটিৰ আশ্রয় আৰু খাদ্য সামগ্ৰীৰ অভাৱত সিহঁতে অভিযান তাতেই সামৰি
উভতনি যাত্রা কৰে। সােনকালে সিহঁতে বেছ কেম্পৰ শিবিৰ সামৰি আহতসকলক চাঙি বান্ধি দাংকোলাকৈ তললৈ নমাই। আনে। এভাৰেষ্ট বেছ কেম্পৰ পৰা লুকমা নামৰ ঠাইলৈ প্রায় ১০ দিনৰ বাট সিহঁতে ৫-৬ দিনৰ ভিতৰতে সম্পূর্ণ কৰি গােৰখশ্বেপ নামৰ ঠাইত থকা অন্তিমখন পর্যটন নিবাসলৈ উপস্থিত হয়। সিহঁত অতি ক্লান্ত হৈ পৰিছিল। তেতিয়াও বৰফ পৰা বন্ধ হােৱা নাছিল। এনেদৰে পর্যটন নিবাসত সিহঁতে ৰাতিটো কটাই পিছদিনা পুৱাই আহাৰ গ্ৰহণ কৰি ওভতি আহে।

Class 11 Assamese Lesson 8 question Answer

১৷ তলত দিয়া প্রশ্নবােৰৰ উত্তৰ দিয়া :
(ক) প্রণয় বৰদলৈয়ে অংশ লােৱা এভাৰেষ্ট অভিযানটোৰ চিকিৎসকগৰাকীৰ নাম কি আছিল ?
উত্তৰ : ডাঃ জগদীশ বসুমতাৰী।

(খ) পর্বত আৰােহণ অভিযানক কি বুলি কোৱা হয়?
উত্তৰ : টিম গেম।

(গ) প্রণয় বৰদলৈয়ে অংশ লােৱা এভাৰেষ্ট অভিযানটোৰ শ্বেপা চৰ্দাৰজনৰ নাম কি আছিল?
উত্তর : লাকপা ৰানড্ৰুক।

(ঘ) প্রণয় বৰদলৈয়ে অংশ লােৱা এভাৰেষ্ট অভিযানটোত কেইজন শ্বেপাই ভাগ লৈছিল?
উত্তৰ : ৮ জন।

(ঙ) পর্বত অভিযানত শাৰীৰিক শক্তিৰ উপৰিও কি শক্তিৰ প্ৰয়ােজন হয় ?
উত্তৰ : মানসিক শক্তি প্রয়ােজন।

(চ) প্রণয় বৰদলৈয়ে ৰচনা কৰা দুখন গ্ৰন্থৰ নাম লিখা।
উত্তৰ : হিমালয়ৰ শিখৰে মাতিছে আৰু ‘ উত্তুংগ যােগীন ‘।