বৈজ্ঞানিক মানসিকতা আৰু আমাৰ সমাজ (পাঠ ৬)

SCERT Class 6 Assamese Chapter 6 Answer | বৈজ্ঞানিক মানসিকতা আৰু আমাৰ সমাজ। Lesson 6 | Class 6 Assamese Solution । Question and Answer Assam | ষষ্ঠ শ্ৰেণীৰ অসমীয়া প্ৰশ্ন উত্তৰ |

বৈজ্ঞানিক মানসিকতা আৰু আমাৰ সমাজ (পাঠ ৬)

সম্পূৰ্ণ পাঠভিত্তিক প্ৰশ্নোত্তৰ

১। তলত দিয়া প্ৰশ্নসমূহৰ শুদ্ধ উত্তৰটো বাছি উলিওৱা:

(ক) সৰ্পই দংশন কৰিলে কি কৰা উচিত?
(ক) চাফ-চিকুণকৈ থকা উচিত
(খ) ৰাশিফল চোৱা উচিত
(গ) বেজৰ ওচৰলৈ যোৱা উচিত
(ঘ) ডাক্তৰৰ ওচৰলৈ যোৱা উচিত
উত্তৰ: (ঘ) ডাক্তৰৰ ওচৰলৈ যোৱা উচিত

(খ) আমি ৰাশিফল চাই দৈনন্দিন কাম কিয় কৰিব নালাগে?
(ক) ই সৰু কথা হোৱাৰ বাবে
(খ) ই আমাৰ পৰম্পৰা নোহোৱাৰ বাবে
(গ) ইয়াৰ বৈজ্ঞানিক ভিত্তি নথকাৰ বাবে
(ঘ) আমি শিক্ষা-দীক্ষাত পিছ পৰি থকাৰ বাবে
উত্তৰ: (গ) ইয়াৰ বৈজ্ঞানিক ভিত্তি নথকাৰ বাবে

২। তুমি ওপৰৰ দ্বিতীয় প্ৰশ্নৰ উত্তৰটো কিয় শুদ্ধ বুলি বাছি ল’লা?
উত্তৰ: ৰাশিফল হৈছে গ্ৰহ-নক্ষত্ৰৰ অৱস্থানৰ ওপৰত ভিত্তি কৰি কৰা এক সাধাৰণ ভৱিষ্যতবাণী। ইয়াৰ কোনো বৈজ্ঞানিক ভিত্তি বা প্ৰমাণ নাই। দৈনিক কাম-কাজ বা জীৱনৰ গুৰুত্বপূৰ্ণ সিদ্ধান্তসমূহ এনে ভিত্তিহীন কথাৰ ওপৰত নিৰ্ভৰ কৰি লোৱাটো যুক্তিসংগত নহয়। সেয়েহে, ৰাশিফল চাই কাম কৰা উচিত নহয়।

৩। ‘ক’ অংশৰ শব্দবোৰৰ লগত ‘খ’ অংশৰ অৰ্থবোৰ মিলোৱা:

৪। তলত দিয়া প্ৰশ্নবোৰৰ উত্তৰ কোৱা আৰু লিখা:

(ক) বৈজ্ঞানিক মন আৰু মানসিকতা বুলিলে কি বুজা?
উত্তৰ: কোনো এটা কথা বা ঘটনাক বিনা প্ৰশ্নৰে মানি নোলোৱা, তাৰ কাৰণ যুক্তিসহকাৰে চালি-জাৰি চোৱা আৰু সত্য-অসত্য নিৰূপণ কৰাৰ যি প্ৰৱণতা, তাকেই বৈজ্ঞানিক মন বা মানসিকতা বোলা হয়।

(খ) আমাৰ সমাজত এতিয়াও কিছুমান অবৈজ্ঞানিক ক্ৰিয়া-কলাপ প্ৰচলিত হৈ থকাৰ কাৰণ কি?
উত্তৰ: আমাৰ সমাজত এতিয়াও কিছুমান অবৈজ্ঞানিক ক্ৰিয়া-কলাপ প্ৰচলিত হৈ থকাৰ মূল কাৰণ হ’ল— পুৰণি কালৰ পৰা চলি অহা অন্ধবিশ্বাস, কু-সংস্কাৰ আৰু বৈজ্ঞানিক মানসিকতাৰ অভাৱ।

(গ) ভাল দিন-বাৰ চাই কাম কৰাৰ যুক্তিযুক্ততা আছেনে?
উত্তৰ: ভাল দিন-বাৰ চাই কাম কৰাৰ কোনো বৈজ্ঞানিক যুক্তিযুক্ততা নাই। এইবোৰ কেৱল অন্ধবিশ্বাসৰ ওপৰত প্ৰতিষ্ঠিত।

(ঘ) ছাত্ৰ-ছাত্ৰীসকলৰ মনত বৈজ্ঞানিক মানসিকতাৰ বীজ কিয় ৰোপণ কৰা উচিত?
উত্তৰ: ছাত্ৰ-ছাত্ৰীসকলৰ মনত কুমলীয়া অৱস্থাতে বৈজ্ঞানিক মানসিকতাৰ বীজ ৰোপণ কৰা উচিত, যাতে তেওঁলোকে ডাঙৰ হৈ সমাজৰ পৰা অন্ধবিশ্বাস আৰু কু-সংস্কাৰ দূৰ কৰি এখন সুস্থ আৰু উন্নত সমাজ গঢ়াত সহায় কৰিব পাৰে।

(ঙ) অতীজত আমাৰ সমাজত অসুখ-বিসুখ হ’লে তেনে ব্যক্তিক কাৰ ওচৰলৈ নিয়াৰ প্ৰথা আছিল?
উত্তৰ: অতীজত আমাৰ সমাজত অসুখ-বিসুখ হ’লে তেনে ব্যক্তিক বেজ বা বৈদ্যৰ ওচৰলৈ নিয়াৰ প্ৰথা আছিল।

৫। তলত দিয়া প্ৰশ্নকেইটাৰ উত্তৰ আলোচনা কৰি কোৱা আৰু লিখা:

(ক) বাহিৰত ফুৰি-চাকি অহা কাপোৰ-কানিৰে পাকঘৰত সোমাবলৈ নিদিয়াৰ আঁৰত কি বৈজ্ঞানিক ভিত্তি লুকাই আছে?
উত্তৰ: বাহিৰত ফুৰি-চাকি আহিলে আমাৰ কাপোৰ-কানিত ধূলি-মাকতিৰ লগতে বহুতো ৰোগৰ বীজাণু লাগি আহিব পাৰে। সেই কাপোৰেৰে পাকঘৰত সোমালে খাদ্য দূষিত হোৱাৰ সম্ভাৱনা থাকে। সেয়ে, চাফ-চিকুণ হৈ পাকঘৰত সোমোৱাটো এক স্বাস্থ্যসন্মত অভ্যাস, যাৰ আঁৰত এক বৈজ্ঞানিক ভিত্তি আছে।

(খ) বৈজ্ঞানিক মানসিকতাৰ গৰাকী হ’বলৈ শিক্ষিত হোৱাটো জৰুৰী নেকি? এজন মানুহ কেনেদৰে বৈজ্ঞানিক মানসিকতাৰ গৰাকী হ’ব পাৰে?
উত্তৰ: নহয়, বৈজ্ঞানিক মানসিকতাৰ গৰাকী হ’বলৈ আনুষ্ঠানিকভাৱে শিক্ষিত হোৱাটো জৰুৰী নহয়। এজন নিৰক্ষৰ লোকেও বৈজ্ঞানিক মানসিকতাৰ অধিকাৰী হ’ব পাৰে। ইয়াৰ বাবে প্ৰতিটো কথা বা ঘটনাৰ কাৰণ যুক্তিনিষ্ঠভাৱে ফঁহিয়াই চোৱাৰ মানসিকতা থাকিব লাগে। যুক্তিৰে কথাবোৰ চালি-জাৰি চাই সত্যক গ্ৰহণ কৰাৰ অভ্যাস গঢ়ি তুলিলেই এজন মানুহ বৈজ্ঞানিক মানসিকতাৰ গৰাকী হ’ব পাৰে।

(গ) সমাজ এখনৰ উন্নতিৰ বাবে অন্ধবিশ্বাস আৰু কুসংস্কাৰ কিয় বৰ্জন কৰিব লাগে?
উত্তৰ: অন্ধবিশ্বাস আৰু কু-সংস্কাৰে সমাজৰ প্ৰগতি আৰু বিকাশত বাধা দিয়ে। ই মানুহক যুক্তিৰ পৰা আঁতৰাই ৰাখে, সমাজত বিভেদ সৃষ্টি কৰে আৰু কেতিয়াবা নিৰীহ লোকৰ প্ৰাণহানিৰো কাৰণ হৈ পৰে। সেয়েহে, এখন সুস্থ, উন্নত আৰু প্ৰগতিশীল সমাজ গঢ়িবলৈ অন্ধবিশ্বাস আৰু কু-সংস্কাৰ বৰ্জন কৰাটো অতি প্ৰয়োজনীয়।

৬। তলত দিয়া বিশেষ্য পদ বুজোৱা শব্দকেইটাত ‘-ইক’ প্ৰত্যয় যোগ কৰি ইয়াৰ বিশেষণ ৰূপটো লিখা:

৭। তলত দিয়া শব্দযোৰৰ আৰ্হিত বাকচত থকা শব্দবোৰৰ বিপৰীত অৰ্থ বুজোৱা শব্দসমূহ লিখা:

৮। উদাহৰণৰ দৰে তলত দিয়া শব্দকেইটাৰ গুণবাচক বিশেষ্য ৰূপটো লিখা:

৯। পাঠটোত -বোৰ, -বিলাক, -সমূহ, -সকল আদি যোগ হৈ বহুবচন বুজোৱা শব্দবোৰ বিচাৰি উলিয়াই লিখা:
উত্তৰ: পায়-নাপায়বোৰ, কু-সংস্কাৰবোৰ, কাৰণবোৰ, কথাবোৰ, মানুহবোৰ, ৰীতি-নীতিবোৰ, ছাত্ৰ-ছাত্ৰীসকল, ব্যক্তিসকল।