অন্যৰ প্ৰতি ব্যৱহাৰ Question Answer নৱম শ্ৰেণীৰ অসমীয়া

অন্যৰ প্ৰতি ব্যৱহাৰ Question Answer

অন্যৰ প্ৰতি ব্যৱহাৰ
শ্ৰেণী নৱম শ্ৰেণীৰ (IX)
বিষয় অসমীয়া
কিতাপৰ নাম সাহিত্য চয়নিকা
উপলব্ধ প্ৰশ্নৰ উত্তৰ
পাঠ অন্যৰ প্ৰতি ব্যৱহাৰ
মাধ্যম অসমীয়া
পাঠ্যক্ৰম সেবা (SEBA )

অন্যৰ প্ৰতি ব্যৱহাৰ

(ক) সাৰথি পুথিখন কাৰ ৰচনা ?
উত্তৰ সাৰথি’ পুথিখন সত্যনাথ বৰাৰ ৰচনা।

(খ) কি নজনাৰ নিমিত্তে বহুত মানুহে জীৱনত নানাবিধ উপদ্ৰৱ ভুগিবলৈ পায় ?

উত্তৰঃ যিবিলাক মানুহেৰে সৈতে সম্বন্ধ জন্মে, বা যিবিলাকেৰে সংসাৰত সমাজ পাতি থাকা, সেইবিলাক মানুহৰ ভিতৰত কাৰ লগত কেনেকুৱা ব্যৱহাৰ কৰিলে বা কেনেকৈ চলিলে সুখে-সন্তোয়ে কাম নিয়াব পাৰি, সংসাৰ যাত্ৰীয়ে তাক ভালকৈ জনা উচিত। ইয়াকে নজনাৰ নিমিত্তে বহুত মানুহে জীৱনত নানাবিধ উপদ্রব ভুগিবলৈ পায়।

(গ) কোনটো শ্ৰেণীৰ মানুহৰ শত্ৰু সৰহ ?
উত্তৰঃ যি শ্ৰেণীৰ মানুহে অবাবত কেটে মাত মাতি বেজাৰ দিয়ে সেই শ্ৰেণীৰ মানুহ বৰ নির্বোধ আৰু খিংখিঙীয়া হয়। তেওঁলােকে ভবিষ্যত নুগুনি কেটে মাৰিহে মানুহৰ লগত কথা হয়। এই শ্রেণীৰ মানুহৰ শত্ৰু সৰহ।

(ঘ) সজ ব্যৱহাৰৰ অনুপান কি?
উত্তৰ: সজ ব্যৱহাৰৰ অনুপান হ’ল নম্রতা।

(ঙ) মনত অহংকাৰ ৰাখি মুখত নম্র হলে মানুহক কি কৰা হয় ?
উত্তৰ মনত অহংকাৰ ৰাখি মুখত নম্র হলে মানুহক ছল কৰা হয়।

(চ) “এই শ্ৰেণীৰ মানুহৰ স্বভার নিচেই পাতল।” – ইয়াত কোনটো শ্ৰেণীৰ মানুহৰ কথা কোৱা হৈছে ?
উত্তৰঃ যিবিলাক মানুহে লগ-লগৰীয়াক হবলৈ লােকৰ গুপ্ত কথা সদৰী কৰে, সিবিলাক মানুহৰ স্বভাৱ নিচেই পাতল। ইয়াত এই শ্রেণীৰ মানুহৰ কথাকেই কোৱা হৈছে।
(ছ) কাৰ লগত সম্বন্ধ ৰাখিলে শঠতাক প্রশ্রয় দিয়া হয়?
উত্তৰঃ শঠৰ লগত সম্বন্ধ ৰাখিলে শঠতাক প্রশয় দিয়া । হয়।

(জ) বহুল ব্যাকৰণ’ পুথিখন কাৰ ৰচনা?
উত্তৰ বহল ব্যাকৰণ’ পুথিখন সত্যনাথ বৰাৰ ৰচনা।

প্রশ্ন২। ব্যৱহাৰ প্ৰণালীক সামান্য কথা বুলি কিয় উলাই কৰিব নােৱাৰি ?
উত্তৰঃ যিবিলাক মানুহেৰে সৈতে সম্বন্ধ জন্মে বা যিবিলাকেৰে সংসাৰত সমাজ পাতি থকা যায়, সিবিলাক মানুহৰ ভিতৰত কাৰ লগত কেনেকুৱা ব্যৱহাৰ কৰিলে বাকেনেকৈ চলিলে সুখে-সন্তোষে কাল নিয়াব পাৰি তাক সকলােৱে জনা উচিত। ইয়াকে নজনাৰ নিমিত্তে বহুত মানুহে জীৱনত নানান কষ্ট ভুগিব লগীয়া হয়। সজ ব্যৱহাৰ যদিও সজ চৰিত্ৰৰ গুণ, – তথাপি চৰিত্ৰ সজ হ’লেই ব্যৱহাৰ সজ হ’ব বুলি ক’ব নােৱাৰি। অনেক চৰিত্ৰৱন্ত মানুহ ব্যৱহাৰৰ দোষত আনৰ হিংসা গৰিহণাৰ পাত্র হয়। আকৌ অনেক কপটীয়া ছলাহী বদ চৰিত্ৰৰ মানুহে ব্যৱহাৰৰ গুণত সকলােৰে মৰম পায়। গতিকে ব্যৱহাৰ প্রণালী মানুহৰ এটা গুৰুত্বপূর্ণ দিশ। ইয়াক সামান্য কথা বুলি কেতিয়াও উলাই কৰিব নােৱাৰি; বৰং ইয়াক মন দি শিকাহে উচিত।

See also  ভাৰতৰ বৈচিত্র্যৰ মাজত ঐক্য Class 9 অসমীয়া প্ৰশ্ন উত্তৰ

(খ) বিনয়ভাৱত দান কৰিব লাগে বুলি জ্ঞানীসকলে কিয় কৈছে?
উত্তৰঃ দান কৰা হয় লােকৰ কল্যাণৰ অৰ্থে। এই দানৰ কথা দান গ্রহণ কৰোঁতেই কেতিয়াও পাহৰিব নালাগে। কিন্তু কেটে মাতেৰে বা তিতা কথাৰে দান দিলে সেই দানৰ কোনাে অর্থ নাই। তিতা কথাৰে মাতি উপকাৰ কৰিলেও, দান কৰিলে তেনে দান বা উপকাৰৰ কথা মানুহে একতিলে পাহৰে, অর্বুদ দানৰ ফল নিমিষতে লয় হয়। সেই কাৰণে জ্ঞানীসকলে দানত বিনয়ভাৱৰ বিধান কৰিছে। বিনয়ভাৱেৰে কৰা দানে কল্যাণ সাধন কৰাৰ উপৰিও দান গ্রহণ কৰোঁতাই সেই দানৰ কথা চিৰকাল কৃতজ্ঞতাৰে সুৱৰি থাকে। তেনে দাতা জগতৰে পূণ্যৱন্ত ব্যক্তি।

আৰু পঢ়ক: সময়

অন্যৰ প্ৰতি ব্যৱহাৰ সত্যনাথ বৰা

প্রশ্ন ৩। তাৎপর্য ব্যাখ্যা কৰা

(ক) “নম্রতা সজ ব্যৱহাৰ অনুপান।”
উত্তৰঃ নম্রতা মানুহৰ এটা উৎকৃষ্ট গুণ। উচিত অনুপানেৰ ঔষধ খালে সি বেছি গুণ। দিয়ে। সেইদৰে সজ ব্যৱহাৰত নম্রতা মিহলালে তাৰে উপকাৰ সৰহ হয়। দম্ভালি কথাই মানুহৰ কাত কাড় ফুটা দিয়ে। সেই দেখি আনৰ লগত আলাপ-আচৰণ কৰোঁতে দম্ভালি এৰি নম্র হােৱা উচিত। নম্ৰতাৰে আনৰ লগত আলাপ-আচৰণ কৰিলে আনৰ কথা বাদেই অতি খঙাল আৰু শত্রুকো অন্তৰ জয় কৰিব পাৰি। নম্রতা এটা গুণ, মিঠা মাত তাৰ ফল। মনত নম্রতা ভাৱ থাকিলেহে মুখেৰে আপােনা-আপুনি মিঠামাত ওলায়। সেই কাৰণেই সজ ব্যৱহাৰক আৰু অধিক অন্তস্পশী কৰিবলৈ, আকর্ষণীয় কৰিবলৈ নম্ৰতাক অনুপান
বুলি কোৱা হৈছে।

(খ) “সােণৰ জেউতি অমান্য কৰিলে নকমে।”
উত্তৰ সােণ স্বাভাৱিকভাৱেই অতি উজ্জ্বল ধাতু। ইয়াৰ জেউতি নাই বুলি অমান্য কৰিলে সেই উজ্জ্বলতা বা জেউতি কেতিয়াও নাইকিয়া নহয়। ঠিক সেইদৰে প্ৰকৃততে মানৱন্ত মানুহক কোনােৱে অমান্য কৰি পুৰুষালি কৰা যেন অনুভৱ কৰিলেও তেওঁলােকৰ সেই মান্যতা নাইকিয়া নহয়, তেওঁলােকৰ মান সন্মানৰ মূল্য কমি নাযায়। বৰং অমান্য কৰি বৰ পুৰুষালি দেখুওৱা বুলি ভবা সকলহে সমাজৰ চকুত বেছিনীচ বুলি পৰিচিত হয়। ভাষা বিষয়ক

অন্যৰ প্ৰতি ব্যৱহাৰ class 9

প্রশ্ন ৪। বিপৰীতার্থক শব্দ লিখা ?
উত্তৰঃ সুখ, সন্তোষ, সজ, চৰিত্ৰৱন্ত, কপটীয়া, মিঠা, বিনয়, নম্রতা, লঘু, উচ্চ, নিন্দা, গুপ্ত, দোষ, গহীন, আঢ্যৱন্ত।
উত্তৰ
সুখ→দুখ।
মিঠা→ তিতা
সতে→অসন্তোষ।
বিনয়→ উগ্র।
সজ→অসজ।
নম্রতা→ উগ্রতা
চৰিত্ৰৱন্ত→ চৰিত্ৰহীন।
লঘু→গুৰু
কপটীয়া উদাৰ।
উচ্চ →নীচ।
নিন্দা→প্ৰশংসা
গহীন→ পাতল।

গুপ্ত→প্রকাশ্য।
আঢ্যৱন্ত→ দৰিদ্র।
দোষ→নির্দোষ।

প্রশ্ন ৫। বাক্য ৰচনা কৰা ।
চকুৰ কুটা, পেটত কথা ৰাখ।।
উত্তৰ: চকুৰ কুটা⇒(শত্রু,দেখিব নােৱৰা) : আনৰ অপকাৰ কৰি ফুৰা মানুহ আনৰ চকুৰ কুটা দাঁতৰ শাল হৈ পৰে।
পেটত কথা ৰাখ⇒ (ক’ব নলগীয়া কথা ব্যক্ত নকৰি মনতে ৰাখা) আনৰ গুপ্ত কথা প্রকাশ নকৰি পেটত কথা ৰাখিব পাৰিলে মানুহৰ শত্রুতা কমে।

See also  সময় Class 9 Question Answer নৱম শ্ৰেণীৰ অসমীয়া

অন্যৰ প্ৰতি ব্যৱহাৰ

শব্দার্থ আৰু টোকা 
অনুপান→আনুষঙ্গিক উপাদান, লগত অনা বা দিয়া বস্তু।
আটক→ বাধা।
চাটুকাৰ→ছলাহী কথাৰে আনৰ অন্তৰ জয় কৰা মানুহ।
প্রৌঢ়ী→জনাজাত, ব্যক্ত, প্ৰচাৰ।
ব্যৱহাৰ→আচৰণ।
ভাজন→পাত্র।
দুলাহী→ ঠগ কথা বা আচৰণ, প্রবঞ্চনা কৰা।
উলাই →অবজ্ঞা
কেটে→কঠুৱা, টান, কর্কশ।
অর্বুদ→ দহ কোটি (সংখ্যা বিশেষ)
নিমিষতে →তৎক্ষণাত, খন্তেকতে।
দম্ভালি→ অহংকাৰ, মই বৰ ভাৱ, নিজেই বৰ ডাঙৰবাৰৰ জানালােক এনেভাৱ।
বিনীত→ স্বভাৱ, শান্ত-শিষ্ট।
বখনা→প্রশংসা কৰা।
মহত্ত্ব→উচ্চতা, গৰিষ্ঠতা।
দুৰাচাৰ →বেয়া আচৰণৰ।
সুচল→ সুবিধা, সুযােগ।
সজাতী →বিশ্বাসী, প্রিয়ভাজন, আপােন।
লােকৰ কথা খুচুৰি ফুৰা→ আনর ভাল-বেয়া কথা জানিবলৈ বিচাৰি ফুৰা, আনৰ ভাল-বেয়া কথা কৈ ফুৰা।
শ্রেয়স→ শ্রেষ্ঠ, উৎকৃষ্ট, অতি ভাল।
খুত→দোষ, ব্যতিক্রম।

উপলুঙা →ভেঙুচালি, ঠাট্টা-মস্কৰা।
শঠ →ছলনাকাৰী, বঞ্চক।
শঠতা→ছলনা, বঞ্চনা।
আটাৱন্ত→ ধনৱন্ত।
মানাৱন্ত→মানী, মান-সম্মান থকা।
জেউতি→পােহৰ, উজ্জ্বলতা।
পুৰুষালি→বল, বীর্য, সাহস।
নিকৃষ্ট→ নিচেই সৰু।
বিগতি→ইতিকিং।

অন্যৰ প্ৰতি ব্যৱহাৰ extra question answer

প্রশ্ন ৬া বুজাই লিখা ?

(ক) কেনেকৈ চলিলে সুখে-সন্তোষে কাল নিয়াৰ পাৰি বুলি লিখকে কৈছে?
উত্তৰঃ যিবিলাক মানুহেৰে সৈতে সম্বন্ধ জন্মে বা যিবিলাকেৰে সংসাৰত সমাজপাতি থকা যায় সিবিলাক মানুহৰ ভিতৰত কাৰ লগত কেনেকুৱা ব্যৱহাৰ কৰিব লাগে বা কেনেকৈ চলিব লাগে তাক সংসাৰ যাত্ৰীয়ে ভালদৰে জানিলে সুখে-সন্তোষেৰে কাল নিয়াব পাৰি। এই কথা ভালদৰে নজনাৰ কাৰণেই বহু মানুহে জীৱনত নানান কষ্ট ভুগিব লগাত পৰে। সেই কাৰণে মানুহে সুখে-সন্তোষেৰে কাল নিয়াবলৈ সজ ব্যৱহাৰৰ কথা ভালদৰে জনা উচিত। সজ ব্যৱহাৰত নম্রতা থাকিলে ইয়ে মানুহক আৰু আকর্ষিত কৰিব পাৰে।

(খ) “চৰিত্র সজ হলেই ব্যৱহাৰ সজ হ’ব বুলি ভৰা উচিত নহয়।” – কিয় ?
উত্তৰঃ চৰিত্র সজ হলেই ব্যৱহাৰ সজ হ’ব বুলি ভবা অনুচিত। কাৰণ অনেক চৰিত্ৰৱন্ত মানুহ ব্যৱহাৰৰ দোষত আনৰ হিংসা আৰু গৰিহণাৰ পাত্র হয়। সজ চৰিত্ৰৰ মানুহাে কর্কশ মাত কথাৰ আৰু দুৰ্যৱহাৰৰ হ’ব পাৰে। গতিকে তেনে চৰিত্ৰবন্ত লােকক সজ ব্যৱহাৰৰ লােক বুলি পৰিচয় দিব নােৱাৰে। আনহাতে অনেক কপটীয়া, ছলাহী, দুঃচৰিত্ৰৰ মানুহাে সজ ব্যৱহাৰৰ গুণত আনৰ মৰমৰ পাত্ৰ হ’ব পাৰে।

(গ) “মিঠা মাত ব্যৱহাৰ প্ৰণালীৰ ঘাই মন্ত্র।” – কথাষাৰৰ তাৎপর্য ব্যাখ্যা কৰা।
উত্তৰ মাত কথাৰ ওপৰত ব্যৱহাৰ বৰকৈ নিৰ্ভৰ কৰে। স্বভাৱত বহুত দোষ থাকিলেও মিঠা-মাতৰ গুণত মানুহ সৰবৰহী হ’ব পাৰে। নিজলৈ আনৰ মৰম-ভক্তি জন্মােৱাটো মানুহৰ মুখ্য উদ্দেশ্য। ব্যৱহাৰত মিঠা-মাতৰ অভাৱ হ’লে সেই উদ্দেশ্য সিদ্ধ নহয়। মিঠা। মাত ব্যৱহাৰৰ কলপৰ নিচিনা। যিদৰে মিঠা বস্তুৰ কলপ লগাইহে বেজেও অকটা দৰব। ৰুগীয়াক খাবলৈ দিয়ে আৰু ৰুগীয়েও খাই ভাল পায় সেইদৰে কপটীয়া বা দুষ্ট মানুহে মিঠা মাতেৰে সকলােৰে পৰা মৰম-শ্রদ্ধা আদায় কৰে। সেয়ে সজ ব্যৱহাৰত মিঠা মাতৰ ৰহণ বা কলপ লগালেহে মানুহৰ মনত সন্তোষ লগাব পাৰে।

See also  Class 9 Assamese (মর্মান্তিক) Question Answer

(ঘ) অবাৰতে কেটে মাত মাতা মানুহৰ বিষয়ে লিখকে কি কৈছে?
উত্তৰ : অবাবতে কেটে মাত মাতা মানুহে আনৰ মনত বেজাৰ দিয়ে। এয়া কৰা অনুচিত। নির্বোধ, খিংখিঙিয়া-মানুহে ভৱিষ্যত নুগুনি কেটেৰা মাৰিহে মানুহৰ লগত কথা কয়। এই শ্রেণীৰ মানুহ শত্রু সুব্রহ। সিহঁতে মনে জানি কাৰাে অহিত নকৰিলেও কেৱল কঠুৱা মাতৰ দোষতেই সকলােৰে চকুৰ কুটা যেন হৈ পৰে। সিহঁতৰ গাত লক্ষ গুণ থাকিলেও অকল কেটে বা তিতা মাতেই সকলাে ঢাকি পেলায়। কেটে মাত মাতিলে। সহস্ৰ উপকাৰ মানুহে একেতিলে পাহৰে, অবুদ দানৰ ফল মিমিষতে লয় হয়।

(ঙ) “নম্রতা এটা মনৰ গুণ, মিঠা মাত তাৰ ফল।” – তাৎপর্য ব্যাখ্যা কৰা।
উত্তৰঃ মিঠা গছৰ ফল যিদৰে মিঠা হয় ঠিক সেইদৰে মানুহৰ মিঠা গুণ নম্ৰতাৰ ফলােহৈছে মিঠা মাত। মনত নম্ৰতাৰ ভার থাকিলেহে মুখেৰে আপােনা-আপুনি মিঠামাত ওলায়। মনত নম্ৰতাৰ পৰিবৰ্তে অহংকাৰ ভাৱ ৰাখি মুখেৰেন হলে মিঠা মাত কেতিয়াও নােলায়, সেই মাত অলপ নহয় অলপ কর্কশ হ’বই। অহংকাৰ ৰাখি ন হ ‘বলৈ গ’লে। মানুহে ছল কৰাহে হয়। তেনে আচৰণ অনুচিত। সেয়ে ব্যৱহাৰত মনে-মুখে একে হ’বলৈ সততে চেষ্টা কৰা উচিত।

(চ) “চাটুকাৰক মূখ বা দাম্ভিক মানুহে ভাল পাব পাৰে; কিন্তু জ্ঞানী মানুহে ঘিণায়।” কথাষাৰ বুজাই লিখা।
উত্তৰ :চাটুকাৰৰ স্বভাৱ হ’ল সমুখত আনৰ প্রশংসা কৰি নিজৰ উদ্দেশ্য সাধন কৰা। মূখ বা দাম্ভিক লােকে এই কথা ভাল পালেওঁ জ্ঞানীলােকে ঘিণ কৰে। মূখ বা দাম্ভিক লােকে চাতুকাৰৰ গােপন উদ্দেশ্যৰ কথা বুজি নাপায় তাৰ মুখত নিজৰ প্রশংসা শুনি বৰ আনন্দ পায় আৰু গৌৰৱবােধ কৰি গপত ওপন্দি পৰে। এই কথাই চাটুকাৰৰ গােপন উদ্দেশ্য পূৰণ হােৱাত সহায় কৰে। চাটুকাৰৰ এনে ছলাহীপূর্ণ প্রশংসাই মূখ বা দাম্ভিক লােকক অনেক বিপদতাে পেলায়। সেয়ে চাটুকাৰৰ তেনে প্রশংসাক জ্ঞানীলােকে কোনাে প্ৰকাৰেই প্রশ্রয় নিদিয়ে, বৰং ঘিণহে কৰে।
(ছ) “গুপ্ত কথা লুকাই ৰাখিব পৰাটো এটা ডাঙৰ গুণ।” – বুজাই লিখা।

1 thought on “অন্যৰ প্ৰতি ব্যৱহাৰ Question Answer নৱম শ্ৰেণীৰ অসমীয়া”

Leave a Comment