উদ্ধৱ বন্ধু মধুৰিপু প্রাণ হামাৰি – বৰগীত

বৰগীত

(মহাপুৰুষ শ্ৰীশ্ৰী শঙ্কৰদেৱ বিৰচিত)

উদ্ধৱ বন্ধু মধুৰিপু প্রাণ হামাৰি

ৰাগ।। অহিৰ।।

ধ্রুং- গোৱিন্দ-গুণ লাগি।

সুমৰিতে তনু জলে অ াগি।।

পদ- মধুপুৰি মাধৱ পিউ।

কইছে ধৰব অব জীউ।।

নিশি সব বঞ্চোহো জাগি।

ভেলি মাধৱ বধভাগী।।

তাল- যতি

ধ্রুং– উদ্ধৱ বন্ধু মধুপুৰী প্রাণ হামাৰি

জীউ হামাৰি ।

যদুপুৰী পাৱত পুনু নাৱত

কত সহবি বিৰহ কুমাৰী।।

পদ– কইছে কেশৱ পুনু পায়।

দুখ মেৰি মােচন ৰাজীৱলােচন

চৰণ নাহেৰি জীৱ যায়।।

কহে মােহে কানুক বাতে।

নন্দনন্দন পুনু পাৱব গােপপুৰী

পৰশি জীয়াৱব হাতে।।

মান-চোক ( পাঠান্তৰ, তাল – চুটা)

ধ্রুং– কহ মোহে উদ্ধৱ জীউ

কইছে ছাড়ল গোষ্ঠ কৃষ্ণ প্ৰাণপিউ

পদ- পতি সুত সুহৃদ সবহি অভিলাষ

ছোড়ি কয়লো কৃষ্ণ চৰণকু অ াশ।।

তবহু ৰহলি মেৰি বন্ধু মধুপুৰী।

নিকৰুণ কানু নাৱে অবহু বহুৰি।।

ব্ৰজকু জীৱন ধন নন্দকু কুমাৰ।

বিছুৰল পূৰবক সুনেহ হামাৰ।।

কইছে ধৰবো অব ব্ৰজবধু প্ৰাণ।

কৃষ্ণকিংকৰ ৰস শংকৰে ভাণ।।

See also  আলাে ভাই চল আইস যাই বৃন্দাবনে - বৰগীত

Leave a Comment